Tharai ke Godwa gaon mein, railway underpass ki maang ko lekar, kai mahino se Kisan Union ke saath dharna-pra darshan kar rahe gaonwaalon ne Guruvaar ko mahapanchayat ki thi. Railway adhikariyon ke na aane se naaraaz gaonwaale railway track par pahunch gaye. Mouke par tainaat force ki soochna par railway adhikariyon...
more...

aur police-prasaasan ke afsar mein hadkamp mach gaya. Adhikari turant mouke par pahunch gaye. Railway track par ekattar logon ko samjha-bujhakar hataaya gaya. Soranv tehsil ke Godwa gaon mein railway underpass ki maang ko lekar, kai gaon ke log kai mahine se railway track ke paas dharna de rahe hain. Guruvaar ko mahapanchayat ka aayojan kiya tha. Ismein railway ke adhikariyon ko bhi aana tha. Dopahar baad Kisan Union Tikait gut ke yuva pradesh adhyaksh Anuj Singh sahit kai padaadhikari pahunch gaye. Kai ghanta intezaar ke baad jab railway ka koi adhikari mouke par nahin aaya to aakroshitt log Kisan Union ke saath railway track par ekattar hone lage. Iski jaankaari par railway ke traffic inspector VK Pandey, ACP Tharai Chandrapal Singh, Nayab Tahsildar Nayansi Shukla, force ke saath pahunch gaye. Inspector Tharai Arvind Gautam ne logon ko samjhaya. Iske baad log railway track se hate. Railway traffic inspector VK Pandey ne railway board ko bheje gaye proposal ki prati dikhaai. Kisan Union ke netaon ne Nayab Tahsildar Nayansi Shukla ko gyaapan saumpa.