Indian Railways ne Navratri ke 6 dinon ke baad vrat rakhne wale bhaktou ko yaad kiya hai. Rail prashasan ne trainon mein safar ke dauraan shradhaluon ki suvidha ke liye 150 rupees mein 'Navratri Vrat Special' thali launch kiya hai. Special thali ke liye online order kiya ja sakta hai. Mobai......
more...

Rail prashasan ke mutaabik, Navratri ke pawan parv ke dauraan yaatriyon ki suvidhaon ka vishesh dhyaan rakhte hue Bhartiya Rail ne 150 se zyada stations par Navratri Vrat Special Thali ki suvidha di hai. Passengers ab apne khane-peene ki chinta se mukt hokar safar mein svaadishta vrat thali ka lutf uta sakenge. In stations par milegi special thali. Jin stations mein Navratri special vrat thali ki vyavastha ki gayi hai, un mein Mumbai Central, Delhi Junction, Surat, Jaipur, Lucknow, Patna Junction, Ludhiana, Durg, Chennai Central, Secunderabad, Amravati, Hyderabad, Tirupati, Jalandhar City, Udaipur City, Bengaluru Cant, New Delhi, Thane, Pune aur Mangalore Central pramukh hain. Rail prashasan ka daava hai ki, yeh special vrat ki thali khaas tour par Navratri ke tyohar ko dhyaan mein rakhte hue taiyar ki gayi hai. Jis mein gunavatta aur poshakta ka vishesh khayal rakha gaya hai. Aise mangaen special thali. Bharatiya Rail dwara Navratri special vrat ki thali ko mangane ke liye yaatri IRCTC ki app par jaakar, kewal apna PNR number daal kar thali book kar sakte hain. Online IRCTC ki e-catering site par jaakar bhi ise book kiya ja sakta hai. Order book karne ke kuchh hi samay ke antaral mein ekdam taza aur shudh vrat ka bhojan yaatriyon ko upalabdh karane ka daava kiya gaya hai.